Super Division: Jop ka Ladthadlaboh ya ka Wahiajer ha ka Semi wa ar

Ka Super Division 2024 ka West Jaiñtia District Sports Association (WJDSA) kawa tip leh kam ka ‘U Kiang Nangbah Memorial Trophy’ da pyndep ya ka Semi Final wa ar ynne ka sngi.

Ka yalehke wa da pynman toh hapyrdi ka Ladthadlaboh wa ka Wahiajer heiwa ka Ladthadlaboh da jop ko da 2-0 da ki kool wa thap u Raimiki Challam ha ka minit wa 34 wa u Samuel Phawa ha ka minit wa 62.

Ini mut ki wa ka Ladthadlaboh u yachem ko wa ka Nangbah Mulang yow yaknieh psiah Final ha ka yalehke Semi wa le kawa daw pynman ha ka 7 tarik heipor 1:00 waje i sngi.