Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa khad-ynru ynne deiwa pynman ka wi ka yalehke.
Ka yalehke wa da pynman toh hapyrdi ka Ladthadlaboh waka Khimusniang heiwa ka Ladthadlaboh da jop ko da 4-2.
Ka Ladthadlaboh da thap nyngkong ko ar kool haka kylla step lyngba u Banteilang Shylla haka minit wa 7 wa u Daunisakiai Dkhar haka minit wa 44 katwa ka Khimusniang won da su ko chi kool haka minit wa 45+1 lyngba u Precious Tang.
Ha ka kylla miet chwa wow kut ka yalehke, ka Ladthadlaboh da ban ko sa ar kool lyngba u Sanbor Kharshanoh haka minit wa 88 wa na u Promi Suting haka minit wa 90 wei sa chisien ka Khimusniang da su biang ko haka minit wa 90+1 lyngba u Heisniawki Syngkon won.
Ka Ladthadlaboh kattu da jop ko la le sien wei da rem ko chisien katwa ka Khimusniang da rem ko le sien wei da ya Drawn chisien.
Ka yalehke wa bood u pynman ha ka 13 tarik hapyrdi ka Mukhla Raij waka Mynthong heipor 1:30 i sngi.
Discussion about this post