Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa khad-phra ynne deiwa pynman ka wi ka yalehke.
Ka yalehke wa da pynman toh hapyrdi ka Nangbah Mulang waka Khimusniang kawa da kut da 1-1.
Ka Khimusniang da yoh ko wow thap kool nyngkong haka minit wa 17 lyngba u Precious Tang tangwa ka Nangbah Mulang da su kylliang ko hapoh 10 minit lyngba u Wollrick Susngi haka minit wa 28.
Ka Khimusniang kattu na 5 tylli ki yalehke da rem ko le sien wei ya Drawn arsien. Ka Nangbah Mulang won da jop ko arsien, rem arsien wei ya Drawn chisien.
Ka yalehke wa bood u pynman mynstep hapyrdi ka Ladthadlaboh waka 7 Wasa heipor 1:30 i sngi.
Discussion about this post