Ka Super Division ka Amlarem Sub-Divisional Sports Association da pyndep ko ya ka yalehke Semi Final wa le ynne kawa man leh ka khaddooh yow jied ya ka liang wow psiah Final.
Ka yalehke wa da pynman toh hapyrdi ka Amlarem SCC waka Jarain SCC heiwa ka Amlarem da jop ko da 1-0 da ka kool wa thap u Kloi Rasmut haka minit wa 38.
Da ini, ka Amlarem u yachem ko waka Seinbhalang Shkentalang haka Final wa daw pynman haka 19 tarik ha Mini Stadium Ladjaplem heipor 2:00 waje i sngi wei daw wan sakhi lang u Shakliar Warjri uwa man kam u Montri ka chnat Sports & Youth Affairs deiwa emlang u MLA ka thaaiñ, u Lahkmen Rymbui.
Kamtæ da khut sñiawbha ya phi ki paidbah wow wan sakhi ya kani Final.
Discussion about this post