Super Division: Psiah Semi ka Nangbah Mulang, Demthring, Wahiajer wa Ladthadlaboh

Ka Nangbah Mulang, ka Demthring, ka Wahiajer wa ka Ladthadlaboh toh kiwa da yoh u psiah cha ka Semi Final ka Super Division 2024 ka West Jaiñtia District Sports Association (WJDSA) kawa tip leh kam ka ‘U Kiang Nangbah Memorial Trophy’.

Ka Nangbah Mulang da yoh nyngong ko deiwa yoh 19 Point heiwa da jop ko 7 sien wei ya Drawn chisien.

ADVERTISEMENT

Hei wa ar da em ka Demthring kawa yoh 16 Point deiwa jop 5 sien, rem chisien wei ya Drawn chisien.

Hei wa le da em ka Wahiajer kawa da yoh 14 Point deiwa jop 4 sien, ya Drawn 2 sien wei rem chisien.

Hei wa soo da em ka Ladthadlaboh kawa da yoh 11 Point deiwa jop 3 sien, ya Drawn 2 sien wei rem 2 sien.

Ka Defending Champion ka 7 Wasa da em ko hei wa san deiwa yoh 8 Point heiwa da jop ko 2 sien, rem 3 sien wei ya Drawn 2 sien.

Kiwa da hiar kyrdan toh ka Shangpung Lumiawmuchai kawa yoh 4 Point deiwa jop chisien, ya Drawn chisien wei rem 5 sien wa ka Sailung Ialong kawa da rem ha waroh 7 tylli ki yalehke ko.

Related posts

Jop ka Kharkhana wa ka Ammutong ha ka 3rd Division, khlem em wa jop ha ka Super Division ka ASSA

October 20, 2026

Jop ka Larnai Lurshai ha ka Super Division, khlem em wa jop ha ka 1st Division ka TSA

October 20, 2026

Kamtæ ki yakhun Semi Final daw pynman le tylli heiwa kawa nyngkong kawa tip kam ka Qualifier u pynman ha ka 02-12-24 heipor 1:00 waje i sngi hapyrdi ka Nangbah Mulang wa Demthring.

Ka Semi Final wa ar wa tip kam ka Eliminator u pynman ha ka 03-12-24 heipor 1:00 waje i sngi hapyrdi ka Wahiajer wa Ladthadlaboh.

Kawa jop ya ka Semi Final wa nyngkong da yoh bait ko u psiah cha Final katwa ka liang wa ar wa yoh u psiah Final toh deiwa pynman sa ka Semi Final wa le hapyrdi kiwa rem ha ka Semi wa nyngkong wa kiwa jop ha ka Semi wa ar.