Ka Super League ka Saipung Block Sports Association (SBSA) da pteiñ biang ya ka ynne ka sngi deiwa pynman ar tylli ki yalehke.
Ha ka yalehke wa nyngkong kawa da pynman heipor 11:30 i step, ka Lamyrsiang SSC da jop ko yaka Jalaphet Bri Sumer SC da 3-0.
Ya kini ki kool da thap da u Phrangsngi Pakem haka minit wa 34 wa 58 wa u Go Goa Hangshing haka minit wa 82.
Ha ka yalehke wa ar wa pynman heipor 1:30 i sngi, ka Narwan da jop ko yaka Latyrke SC da 3-2.
Ya ka Narwan da thap kool da u Blik Phadong haka minit wa 20 wa u Living Phawa haka minit wa 28 wa 48 katwa yaka Latyrke da thap da u Marchial Nongrum haka minit wa 51 wa u Gadiel Lvouchum haka minit wa 71 da ka Penalty.
Discussion about this post