Ka Meghalaya da ye ko wow yoh yei jop da 49 Run ya ka Arunachal Pradesh ynne ha ka Syed Mushtaq Ali Trophy T20 Tournament wa da pynman ha Mohali.
Ka Arunachal da jop ko ya ka kylla-khlem wei da phah Bat nyngkong ko ya ka Meghalaya heiwa da ye ki wow kamai 167/5 na ki 20 Over.
U Guest Professional Chirag Khurana da dat u 9 tylli ki 4 Run wa kawi ka 6 Run yow kamai 73 Run na 61 bol. Deilang wa u Swarajeet Das (28 na 17 bol) da kamai ki 67 Run neibynta ka Wicket wa nyngkong na ki 7.3 Over. U Khurana da kamai u leh deilang wa u Guest Professional Punit Bisht (38 na 23 bol) heiwa da yoh ki 53 Run neibynta ka Wicket wa le.
Hawa kawang bol ka Meghalaya, u Guest Professional Rajesh Bishnoi da yoh u 3/17 wa u Khurana 2/8 wei ynne da man ko leh kawa sahkynmoo ya u Riboklang Hynniewta uwa da yoh u psiah cha kani ka Senior Team wei da yoh u 2/19 wa kynthup ya ka Wicket u Doria (40) uwa kamai boon dooh ya ka Arunachal.
Ka Arunachal da ye ko wow kamai 118/8 na ki 20 Over iwa duna 49 Run.
Ha ka yalehke wa khaddooh ka Meghalaya ha kani ka lympung daw yachem ko waka Kerala ha kani ka 22 tarik.
