Ka Meghalaya da jop ko ya ka Jammu & Kashmir da 8 Wicket yow jop ya ka yalehke wa nyngkong yong ki ha ka Syed Mushtaq Ali Trophy T20 Tournament ha Mohali ynne ka sngi.
Ka yalehke da hap u pynman du mar 9 Over chiliang neidaw wa joor slap heiwa ka Meghalaya da jop ko ya ka kylla-khlem wei da jied ko wow kawang bol nyngkong.
Deiwa emkaam 82 Run yow jop, ka Meghalaya da dooh ko ya u Raj Biswa uwa yoh nod wa u Chirag Khurana ar Run. Tangwa da wan u Punit Singh Bisht (Guest Professional) uwa da yalehke ya ka Meghalaya nadooh ka samoi 2018-19 wa sdang ka jylla wow chimbynta ha ka BCCI Domestic Cricket.
U Bisht da kamai u 51 Run na ki 23 bol deiwa dat 6 tylli ki 4 Run wa 2 tylli ki 6 Run wei da yoh lok u wa u Lerry Sangma uwa da kamai 23 (Not Out) na 13 bol deiwa dat 2 tylli ki 4 Run wa ka wi ka 6 Run.
Kamtæ ka kamai 59 Run kini ki arngut da pynjop ya ka Meghalaya deiwa sah sa 9 bol.
Ka J&K hawa Bat na ki 9 Over da kamai ko 81/3 kiwa da pynhaap da u Guest Professional, u Khurana (1/9), u Dippu Ch Sangma (1/12) wa u Abhishek Kumar (1/15).
U Guest Professional thymme ha kani ka samoi toh u Rajesh Bishnoi (35 snem) uwa da jooh yaleh ya ka Rajasthan chwa ini. Da dep yaleh u leh ha ki 3 tylli ki yalehke ka Indian Premier League na ka Royal Challengers Bangalore ha u snem 2009. U Bishnoi da mih salan u ya u DB Ravi Teja uwa da chong ngiah nei yaleh Cricket hadien ka samoi 2021-22 uwa da mihkhmat leh ya ka Meghalaya.
Ka Meghalaya kattu daw yachem ko waka Haryana mynstep. Ka Haryana ynne da jop ko da 1 Run yaka Services.
Kiwa yaleh ke Meghalaya: Raj Biswa, Kishan Lyngdoh, Rohit Shah, Punit Singh Bisht (Guest Professional), Dippu Ch Sangma, Chirag Khurana (Guest Professional), Rajesh Bishnoi (Guest Professional), Lerry G Sangma, Yogesh Tiwari, Anish Charak, Kilco Marak, Abhishek Kumar, Riboklang Hynniewta, Swarajeet Das, Chengkam Sangma
Support staff: Dheeraj Jadhav (Head Voach), Moisten Ch Marak (Assistant Coach), Himmat Singh (Strength and Conditioning Coach), Surojit Biswas (Physio)
Meghalaya fixtures:
vs Jammu and Kashmir, 11 October
vs Haryana, 12 October
vs Karnataka, 14 October
vs Maharashtra, 16 October
vs Services, 18 October
vs Arunachal Pradesh, 20 October
vs Kerala, 22 October
