Shillong: Hadien wa ki dkhot ka Meghalaya EMRI Workers’ Union (MEMRIWU) da sdang ki yei chah thngan wa khlem booh por nadooh ynne ka sngi, kawi won ka dhab ki wakreh ka GVK EMRI kawa kam wa em ki kamwa 125 ngut kiwa khlem kyrchaan ya ka yakhih da pynsñiaw ki yei syir mynsien lada i yakhih ka Union u pteiñ i wei lada kani ka Company chah pyndooh noh i krehkaam ko ha kani ka jylla.
U Wallamjingshai Kurkalang hawa yaklam wa kiwa pathai khubor ynne ka sngi da ong u wa tieñ ki neibhah ye ki wow dooh ym du ya ki tangwa i dooh wa khroo ya ki paidbah khamtan cha ki thaaiñ palat sor.
Da ong u wa lada ini i yakhih ye ko wow poi chadooh u pood wa ki spah ngut u dooh ki yei kreh wei khamtam dooh ki mynsien wa kordor kiwa emkaam yarap lyngba ka 108.
Chooh chooh da kyntu u ya ki para wakreh kiwa em ha ka MEMRIWU wow pynbait noh yei yaphær yumut wa ki bor pynlai.
Neiliang uwi na kiwa yah ya ka Ambulance da ong u wa kiwa pynlai pynbiang ki yei emkaan ki kari kiwa em hadooh 43 tylli wei ki kari waroh ymtoh kiwa sih wei lada em i thut da pyntip bait cha yung krehkaam wow pynbiang yeiwa emkaam.
Da kubur u leh wa ki kari Ambulance toh kiwa da rim wei kiwa da dooh noh.
Kawi ka manbei da yrpaad ko ya ka Union wow yasuk noh khnang wow kreh lang biang yei kaam wei u pteiñ yei dawa neibhah emkaam yei yakrehlang.
Kam wow pynkynmoo heini, ki wakreh ka 108 hapoh ka Meghalaya Emergency Management and Research Institute Workers’ Union (MEMRIWU) kiwa em kamwa 180 ngut da sdang ki yei chah thngan wa khlem booh por nadooh ynne ka sngi wow pyrchah yei wym mano ka sorkar wa ki bor pynlai hajrong ki dawa ka Union kiwa em 36 tylli.
Discussion about this post