Jowai: U Shikar Dhawan uwa yaleh Cricket wa pawnaam ka ri India da man u sa uwi u bru wa pawnaam wa wan hiar cha Shnongpdeng hadien wa ka khon syiem Thailand, ki actress Bollywood ka Gul Panag wa ka Kalki Koechlin da dep wan ki yow sakhi yeiw miat kani ka chnong.
U Shikar Dhawan da poi u chirup wa kiwa ha yung ha sem yong oo ha ka 20 tarik uni u bnai wei da sah miet u harood ka wah Myngot.
Da chimbynta ki ha ka Kayaking, Snorkeling, Scuba Diving, Cliff Jumping, Zip lining kamjooh i chong lieñ yong ki tre chnong.
U Shikar Dhawan da ong u wa nyngkong ym em mut u wow sah miet tangwa hadien wa yoo u yei miat i thaw da rai u wow sah miet wei da pyllut por u leh wa ki tre chnong khamtam kiwa kiñ lieñ wei da chondur lang u leh wa ki.
Da mih u na Shnongpdeng ha ka 21 tarik wei da kular u leh wa daw wan biang u sa chisien cha kani ka chnong wei da yaroh u ya ka la-ær wa khooid, ka um wa khooid wa jngiar wa ki khloo wa yirngam iwa pynsñiawsuk ya oo u khai thiah u dang step yow leh exercise.
Da wan u da ka yong oo hi ka kari BMW wei da ong u leh wa rap chitom u poi cha kani ka chnong wa sih u sarok NH-40E.
Also Read: Yaroh ka khon u syiem Thailand yei miat ka Chnongpdeiñ
Discussion about this post