Ha kini ki por wa da sdang booh kyndon wow khang ya ka Meghalaya neidaw wa da joor wa ku kiwa yoh ya u khñiang khlam COVID-19 hapoh ka jylla heiwa neiliang ka sorkar na ki por cha ki por da kyrpaad ko ya ki paidbah wow bood ya ki kyndon wa i rukom im iwa thymme yow yada nei poor ka khlam, wei da pynchlur leh ya ki paidbah wow wan ki chakhmat wow chim ya i dawai tika COVID-19 iwa man leh kam iwi na ki laad wow yada nei poor kani ka khlam.
Neiliang u Dolloi ka Elaka Jowai u Puramon Kynjing uwi na ki Dolloi ka Ri-loom Jaiñtia, ynne ka sngi da phah u leh ya ka khubor kyntu kyrsu cha ki khon ka Ri-Jaiñtia, ka jylla wa ka ri waroh kawi wow man i kiwa syndong, kiwa sumaar wei kiwa yada ya idæ na ka khlam deiwa deiñ ya ki Mask, u yajngai uwi na uwi, wei wow rah ya ki Hand Sanitizer kamwa da myllien i wow rah ya ki Phone kat chawa lai i.
Da kyntu u leh ya ki paidbah wow burom ya ka aiñ yong ka sorkar kamjooh yong ki aiñ chnong ha kam kini ki por.
Ya waroh i klam u Pa Dolloi ye phi u pait heini ha wah:
