U Chief Minister ka Manipur u N. Biren Singh da ekti u yaka poisa wa T. 1,10,000 cha ka Laibi Oinam, kawa dai mar cha rood sarok kamjooh kawa yah Auto kawa da kit sñiawbha wow li booh ya kawa da chait na u COVID-19 wa chah sumaar ha JNIMS, Imphal East cha Kamjong District wa jngai 8 kynta wa lai ko nadooh i miet ka 31 May hadooh i step ka 1 June 2020. Da leh ko ya ini hadien wa ym em wa bien u li booh ya kani ka bru wa jngai ware i thaw sah ko iwa da em palat 100 Km.
Ya kani ka song poisa toh kawa da kynchew lang da ki bru samen na Manipur deilang waki nong Manipur kiwa em cha US, UK, Canada wa Singapore yow pynchlur yaka yaki kaam wa bha wa leh ko neibynta ka imlang sahlang.
Ka Laibi Oinam toh kawa chong wa sah ha Pangei Bazaar, Imphal East, ka bei yong ki arngut ki khon chynrang kiwa psa hi ko samen. Da em leh ka Documentary Film wa da dep chna chaphang yong ka kawa e pyrtuid “AUTO DRIVER” kawa da jop yaka kyrdan Best Social Issue Film haka Non-feature Category haka 63rd National Film Awards, 2015 waka Best Short Documentary haka Audience Choice Category haka 2017 Women’s Voices Now Film Festival.
Nalor ini da em leh boon kiwa thoh chaphang yong ka haki kotkhubor hapoh ka Manipur wa ha kiwa em hapoh ka ri neidaw wa da leh ko yaki kaam kiwa kynthai ym em leh ki wow yahluti ya kiwi.
U Chairman LDA, u L. Susindro, Chairman ka Manipur Building and Other Construction Workers’ Welfare Board u H. Dingo, MLA ka Yaiskhul Assembly Constituency u Th. Satyabrata, kawa chna phlim ka Meena Longjam kawa man kam ka Director ka “AUTO DRIVER” da kynchew lang ki neibynta kani ka poisa.
