Ka sorkar jylla kamjooh leh ka sorkar pyrdi da pynmih ki ya ki kyndon wow yada wow bood khnang wow yada nei poor u khñiang COVID-19 kamjooh leh da booh ya ki kyndon wow pynchitom ya kiwa tyngkheiñ ya kini ki kyndon deiwa daiñ kuna ya ki.
Hawa yaklam wa u SP ka West Jaiñtia Hills, u Bikram D Marak hajrong ka kuna wa da yoh ki pulit wow daiñ na ki bru, da pyntip u wa ha ki ar bnai kiwa kynthup ya u Naiynñiaw wa Naisaphra da daiñ kuna hadooh T. 1,08,700.
Kini kyntup ki ya ki bru kiwa ym em u sap Mask heiwa da chah pynchitom hadooh 114 ngut, kiwa mynthu cha sarok da em 6 ngut wei kiwa dih duma ha ki thaw paidbah won da em ki 108 ngut.
U Bikram da pyntip u leh wa ki bor pulit daw pteiñ ki yeini i kaam ha ki bnai wow wan lada chem ya kiwa tyngkheiñ ya kini ki kyndon daw pynchitom ya ki.
Heijooh i por da kyntu u leh ya ki paidbah wow man ki kiwa syndong wei wow bood ya ki kyndon wa da booh ka sorkar khnang wow ye wow yakhun pyrchah ya kani ka khlam u COVID-19.
