U Montri wa rim ka Uttar Pradesh u Gayatri Prajapati da chah pynbaad u wa pynbaam tyngka u T. 10 Klur ya ki muktiar kamjooh ya u Judge yow yoh jamin u ha ka mukotduma wa slaitbor u ya kawi ka manbei wei da jrong kti khlemakor u ya ka khon ko kawa hapoh 18 snem ha u snem 2014.
Katkam ka khubor wa pynmih da ka Times of India da chemdien yeini hadien wa u Chief Justice ka Allahabad Hight Court u Dilip B Bhosale da phah pynman u da ka takit yei rukom yoh jamin u Gayatri ha ka mukotduma wa chong bichaaar u Session Judge u O.P. Mishra uwa chah thung kam u Judge ka POCSO (Protection of children from sexual offences) ha 7 tarik Naitung (April) le tayaw chwa wow chong ngiah u wei ya ka jamin yong u Gayatri da e u ha ka 25 Naitung.
U Chief Justice leh da chem u wa da thung ya u Mishra kam u POCSO Judge deiwa kyrriah ya uwi tawan u Judge uwa pait ya ka POCSO la chisnem.
Da chem leh wa ya i dor ka bai jamin da rai hadien wa pynbam poisa T. 10 Klur heiwa T. 5 Klur da yabhah ya ka hapyrdi ki le ngut ki muktiar kiwa man kam ki ksiang (middlemen) katwa ya ka T.5 Klur da su cha u POCSO Judge (Mishra).
U Gayatri Prajapati da kem ya oo ha ka 15 Wisu (March) uni u snem heiwa da wiar u nadooh ka 27 Thohlakhmi (February) uni u snem hadien wa ki pulit da thooh ki oo hadien wa phah ka Supreme Court ya ki pulit wow chimkhia ki ya ka FIR.
Hei yatoh won wa kammon ye ki le ngut ki muktiar kiwa ksoh kaam leh ha ka Bar Association ye ki wow pynbait wa u Judge yow e jamin dang takit wei kamjooh wa poi da uni u Judge ha ka POCSO.
Discussion about this post