Ka Assam Rifles daw su bailutsan (Compensate) ko cha kiwa hayung yong uwi u bru wa chah siat yap ha ki chipai yong ka ha chnong Chalwa, Kangpokpi District ka jylla Manipur ha i miet ka 4 tarik.
Uni u bru toh uwa 29 snem ya uwa da tip kam u Mangboilal Lhouvum uwa khih mylla.
Da ong wa u Mangboila da chah siat u ha ki chipai wa sap sula yung heipor wa lai kynreh ki ya ki dkhot ki seiñ kieñsuloi kiwa na ka jylla Manipur wei da mynsoo joor u wei da pynkit ya oo cha thaw sumaar heiwa da khlaad noh u.
Hadien i khlaad uni u bru, ki paidbah na ka chnong da lai awri ki ha i tahwsah kini ki chipai heiwa da thang ki leh ya ki kari kini ki chipai.
Ya ka soskular wow su ya ka bailutsan wa T. 10 tarik da soi ha ka 5 tarik hapyrdi ki heh kani ka chipai, ki pulit ka jylla Manipur wa ki seiñbhalang na ka chnong.
