U Prime Minister Narendra Modi da pynbna u ya ki yarap wa ki myntoi neibynta ki khynnah kiwa chah ktah ha ka khlam COVID-19 kawa katni. Hawa pynbna ya ini, da ong u wa ki khynnah toh ki mynried ka ri wei emkaam wow leh katwa ye yow kyrchaan wei yada ya ki yow man ki kiwa chong chnong kiwa khlan neibynta ka mynried wa tyrchaaiñ.
Waroh ki khynnah wa dooh ya ka bei wa u pa lane kiwa pait wa psa ya ki neidaw ka khlam COVID-19, daw yoh ki yei kyrchaan hapoh ka ‘PM-CARES for Children’ Scheme. Da ong u leh wa ya ini da ye u leh du deiwa e sñiawbha ki bru cha ka PM CARES Fund kawa yarap ya ka India wow yakhun pyrchah ya ka khlam COVID-19.
Ki myntoi ya ki kynnah man ki kamni ha wah:
- Fixed Deposit hei pyrtuid ki khynnah:
Ka PM CARES daw e yarap ko lyngba ka Scheme wa da chna kyrpang yow pynlang poisa T. 10 lak ya iwi pa iwi i khynnah heiwa manda u/ka poi ki 18 snem i rta, ya kani ka poisa daw pynemkaam yow e yarap poisa kam ka Stipend nadooh wa dap ki 18 snem wa sa 5 snem yow yarap pyndap yeiwa emkaam yong samen ki hawa lai puræ puthi ki cha ki kyrdan wa heh.
Manda dap ki 23 snem, daw yoh ki ya kani ka poisa chisien yoh yow pynemkaam ki yei kaam yong samen yong ki kamjooh ha ki kaam ki jaam yong ki.
- I pynlai skur ya ki khynnah wa em hapoh 10 snem
Ya kini ki khynnah daw pynlai skur ha kiwa jan dooh ki Kendriya Vidyalaya lane ha ki skur ki bru samen. Lada booh ya ki ha ki skur ki bru samen, i bai skur u man ko katkam ki kyndon ka RTE kawa daw e na ka PM CARES heiwa u su leh ya ka bai Uniform wa ki kot ki sla.
- I pynlai skur ya ki khynnah wa em hapyrdi 11-18 snem:
Ya kini ki khynnah daw pynlai skur ha kiwon kiwon ki skur ka sorkar pyrdi kiwa man kam ki Residential School ha ki Sainik School, Navodaya Vidyalaya wa kiwi kiwi.
Lada ya kini ki khynnah daw em kiwa pait ki kam da kiwa emyatoh ki hadooh da ki beipun papun, ya kini daw pynlai skur ha kiwa em hajan dooh ki Kendriya Vidyalaya lane ha ki skur yong ki bru samen.
Lada pynlai skur ha ki yong ki bru samen, ya ka bai skur u su katkam ki kyndon ka RTE na ka PM CARES wa kynthup leh ya ka bai Uniform wa ki kot ki sla
- Neibynta i lai puræ cha ki kyrdan wa chaneiñ:
Daw yarap wow pynyoh ya ka ram neibynta wow lai puræ cha ki kynrdan wa chaneiñ hapoh India katkam ki kyndon wow e ram neibynta ka puræ puthi. Ka sut yong kani ka ram u su da ka PM CARES.
Kam chibynta wow yarap leh da iwi i rukom, daw e da ka Scholarship kawa chongdor kat ka Tuition Fees/Course Fees neibynta ki Undergraduate/Vocational Courses katkam ki kyndon ka sorkar hapoh ka Central lane State Government Scheme. Ya kitu won ki khynnah ki wym ye u yoh ya ki Scholarship Scheme kiwa em katni, ka PM CARES daw yarap ko wow e Scholarship kawa katjooh i kyrdan.
- Health Insurance
Waroh kini ki khynnah daw thap pyrtuid ya ki hapoh ka Ayushman Bharat Scheme (PM-JAY) deilang wa ka Health Insurance kawa T. 5 lak. Heiwa ya ka bai Insurance (Premium) yong kini ki khynnah hadooh wa dap ki 18 snem daw su da ka PM CARES.
