U Symbood Montri Rangbah ka jylla uwa man leh u National Vice President ka National People’s Party (NPP) da ong u wa da yoo kiñkhlieh yei pynbiej Election yong ka Party wa thymme, ka All India Trinamool Congress wow e poisa T. 1000 chi bnai ya ki khynroo ka jylla ki wym pu yoh kaam.
Hawa klam ha ka yalang pdiang burom ya u Jason S Mawlong, MLA warim yong ka PDF wa u Donkupar Sumer, MDC warim ka UDP wa da pynman ha Umsning, da ong u wa lada kheiñ hei dor T.1000 chi bnai wow e cha ki khynroo wym pu em kaam em jaam, daw hap wow dai lut ya ka Meghalaya waroh kawi.
Da maham u leh deiwa ong wow husiar ki khynroo wa ki manbei manpa, neibhah wow ya thong wei wow pynbiej man ko kawa suk.
Hawa yatoh wa kiwi ki Party khamtam ya ka UDP kawa man ka Party ri-loom, u Prestone da ong u wa kani ka seiñ toh kawa yapiah yapra neibhah na kawi ka yung da mih 4-5 ngut ki khlieh yong ka yung, wei da yaleh ki wow tympat para kiwa yahkhmat.
