T. 10,000 e sñiawbha ka Jingiaseng Samla Balang Presbyterian Mowkyndeng cha ka thaw ri khonswet ha Sahsniang

Jowai: Ka Jingiaseng Samla Balang Presbyterian Mowkyndeng hapoh i yahkhmat u Chairman yong ka, u E.G.H Pala deilang wa u Rev. H. Lyngdoh, da lai li pait ki ya ka thaw ri khonswet kawa em ha Sahsniang yong ka NEIMA ynnin ka 22 tarik.

Ha kani ka sngi da emlang leh kiwa kreh wa ki dkhot ka NEIMA wei da pynman leh ya ka yalang wa tbian.

Ya ka yalang da yahkhmat da u Rev. H. Lyngdoh, wei neiliang ka Jingiaseng Samla da yoh yei klam na u Chairman ka Jingiaseng Samla u E.G.H Pala, katwa ya ki kyntien sñiawngooh da yoh na uwi u dkhot yong ka NEIMA.

I thmu yong ka Jingiaseng Samla Balang Presbyterian Mowkyndeng toh wow lai e sñiawbha cha ka NEIMA kam ka dak e yarap wow lehkmen ya ka Christmas deiwa e da ka poisa T. 10,000.