Ka khubor wa sñiawsuk u pyntip cha phi wa kawi ka manbei wa tip kam ka Kongka Dkhar kawa na chnong Iongkaluh, East Jaiñtia Hills District, kawa da yoh rah yei naam jop haka yakob miat kynthai kawa tip kam ka 7th Mrs Tuber deilang waka song poisa T. 10,000. Da lai e sñiawbha ko ya kani ka poisa cha ka thaw ri khynnah namo ka Children’s Home watip kam ka 7 Thyndai Child Care Institute Cum Counselling Center.
Ka 7 Thyndai Child Care Institute Cum Counselling Center man ko leh kam ka thaw ri khonswet wa em ha chnong Tuber Kmaishnong, East Jaiñtia Hills District.
Kam wow kdaw heini wa ya kani ka yakob Mrs Tuber da pynman daka Seiñraij Tuber Women’s Wing ha ka 12-01-2023 ha Khlieh Pynthor.
Heiyatoh wa ini i wan e sñiawbha kani ka manbei, neiliang ka 7 Thyndai Child Care Institute Cum Counselling Center leh da e khublei ko ya kani ka manbei, wei pyn-ehnasib ko leh yow nang ku chooh chooh ko chakhmat heiyatoh i sap wa u Blai da e u ha ka.
