T. 11 klur tam wow pynku ya ka uiñke suwari ha ki ar thaw ka 4-Mowkaiaw Constituency

Jowai: Kamwa ka kaam uiñke suwari ha kini ki sngi man ko kawi na ki laad wow pynku ya i yoh i kot ki paidbah ka chnong ka thaaiñ wa ka jylla hi waroh kawi, ha ka jylla Meghalaya hajrong wa da kyrkhu ya ka da ki loom ki wah wa yoosuk,  wei wow pynku chooh chooh ya ka kaam uiñke, neiliang ka sorkar da pyrchang ko wow thooh ki laad ki luti wei ynne ka sngi du ha ki ar tylli ki thaw uiñke hapoh ka 4-Mowkaiaw Constituency da ye wow wai ya ki mooyurim neibynta ki kreh wa kynjoh T. 11 klur tam.

Kini ki mooyurim kynthup ki ya uwi ha Iooksi hei lut wa kynjoh 10.87 klur na ka scheme ka Ministry of Tourism yong ka sorkar pyrdi wa tip kam ka Swadesh Darshan Scheme heiwa da mang wow pynmiat pynbha ya ka Park Iooksi kawa em harood ka wah Kupli wa kynthup nadooh ki thaw paitke, ki lieñ wa kiwi kiwi. 

U mooyurim wa ar won da wai ha Mowtyrchiah ha u Loom Tiniang heiwa da booh wow lut T. 28 lak neibynta wow kær talawiar ya uni u loom wa i thaw psiah cha oo. 

Ya kini ki mooyurim da wan wai da ka R.V. Suchiang, Additional Chief Secretary Govt. of Meghalaya In-charge Finance etc. kam ka kongsan ryngkat i emlang u C.V. Diengdoh, Director of Tourism ka sorkar jylla, u P.R. Marweiñ, Secretary to the Govt. of Meghalaya, Public Work Department (R&B), u MLA ka thaaiñ u Nujorki Sungoh, u MDC ka 4-Mowkaiaw W.G. Sungoh, ka R.S. Manner ADC, West Jaiñtia Hills, ka S.D. Shylla, Tourism Officer ka Jaiñtia Hills, u BDO Laskeiñ Block u B. Langbang, ka A. Sumer SDO In-charge PWD Shangpung, u Eleazer C Dkhar President UDP 4-Mowkaiaw Constituency, u Nehemayah Tyngkan, kiwa kitkaam chnong, ki paidbah, ki khynnah skur wa kiwi kiwi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka R.V. Suchiang hawa e yei klam da yaroh ko ya ki paidbah ka thaaiñ wa man ki kiwa embhah wow yoh ya kam kani ki thaw wa miat.

Heijooh i por da yaroh ko ya kiwa chong chnong kiwa da yaleh u pynbha pynmiat ya kini ki thaw khlem yang du na ka sorkar wei ini da wanrah i yei yajan hapyrdi ka sorkar wa ki bor chnong. 

Neiliang ki waheh na ki ar chnong da ekti ki leh ya ki dorkhat (Memorandum) neibynta kiwi won i emkaam ka chnong ka thaw.