Kat dang mih ki sngi ka sorkar India wa ki sorkar jylla da yaleh ki wow pynchlur ya ki bru wow chimbynta ha ki kaam yalehke Sports deiwa e yarap cha ki ha kiwa boon boon rukom khamtam manda toh takma ki ha ki lympung yalehke waphær waphær.
Ha ka 2 tarik, ka Mizoram Sports and Youth Services Department da e yarap poisa ko da ka Incentive Cash Award cha kiwa yalehke namo ki Sportspersons.
Kawi na ki aiñ Incentive Award Act yong ka Mizoram da wanrah ha u 2002 wei da man aiñ ko ha u 2008.
Ha kani ka sngi ha ka yalang da e yarap poisa ki cha ki 2005 ngut kiwa yalehke Sports lyngba ka Incentive Cash Award wei ya ini da sdang nadooh u 2008.
Waroh ka poisa wa da e yarap man ko T. 120,87,450.
Hapyrdi u 2008 hadooh 2019 man ko T. 37,10,350; ha u 2019 man ko T. 48,09,800 na u 2019 hadooh u 2020 T. 35,67,300.
Neiliang u Montri Rangbah ka Mizoram, u Zoramthanga da ong u wa em 2005 ngut kiwa yoh ya kani ka yarap poisa heiwa waroh da kynjoh ko T. 120,87,450. Da kitbok u leh ya waroh kiwa yoh yarap ha kani ka sngi.
