U montri rangbah ka Karnataka, u BS Yediyurappa ynne ka sngi da pynbna u ya ka song poisa wa T. 1250 klur neibynta kiwa chah ktah ha ka Lockdown kawa da pynkrehkaam ha ka jylla hadien wa wan biang ka khlam COVID-19 ha ka sien wa ar kattu.
Kani ka song poisa yarap toh neibynta kiwa kamai Auto Rickshaw, Taxi wa Maxi Cab heiwa daw yoh ki T. 3000 wei waroh daw em 2.10 lak ngut kiwa kamai ya kini ki kari.
Daw e leh T. 3000 cha ki mistri, katwa ya kiwa ah sñiooh, kiwa khih mylla sngi u yoh ki T. 2000, katwa kiwa dai dukan harood sarok kiwa da pynpsiah pyrtuid ha ka Atma Nirbhar Nidhi u yoh ki T. 2000 wa kiwi kiwi.
Heijooh i por da pyntip u wa daw e T. 10,000 chi Hectare ya kiwa rep syntu, jhoor wa ki soh.
Ki seiñ kam ki SHG wa chim ram, ym emkaam wow su sut ki hadooh ka 31 Naiynñiaw 2021, hajrong ini da pynbna u leh wa hapoh ka PM Garib Kalyan Yojana, BPL wa Antyodaya Card Holder u yoh ki 5 kilo u khoo chi bnai.
