Ki pulit ka Nongpoh, Ri-Bhoi ynne i step synyaw ka 18 tarik da yoh ki wow kem yei drug Heroin wa chongdor hadooh T. 14 klur na kawi ka Bus wa em Number MN-01AA-0484 kawa wan na Manipur lyngba ka Assam.
Yeini da chem da ki pulit hawa kynreh kari ha Mawdaron Saiden kawa dang haap hapoh ka Nongpoh Police Station heiwa da chem 158 tylli ki tadong sabon na kani ka Bus wei ini i drug toh iwa khia 1.85 kg wei da pyntikna toh i drug Heroin.
Heiyatoh wa ini da kem ya le ngut ki bru wa kynthup ya u Rashijuddin (33 snem) uwa na Kwakta, Bishnupur, Manipur, u Saddam Hussain (34 snem) na Kwakta Islamabad Leikai Moirang, Bishnupur District Manipur wa u Md Iqbal Hussain (31 snem) na Kwakta Islambad Leikai Moirang, Bishnupur District, Manipur.
Na kini da kem leh 3 tylli ki Mobile Phone.
