Ka sorkar jylla kam chibynta ka lehkmen yaka sngi laitlooid da pynbna ko yaki kaam wa da leh ko yow pynkhlan yaka chnat i chait i khiah wow yaleh pyrchah kamjooh wow sumaar ya kiwa yoh COVID-19.
Ka jylla da pynboon ko ya i em ki kor sumaar wow yarap u riñ mynsien kiwa tip kam ki Ventilator na ka 4 cha ka 71 tylli. Da em leh 66150 ki VTM, 80 ki Bipap Machine wa 135000 ki dawai kuli HCQ.
Nalor ka NEIGRIHMS, ka jylla da booh ko leh yaki Testing Centre ha Tura Civil Hospital wa Pasteur Institute. Wei ha kini ki 4 bnai iwa ye wow Test ha ka jylla da ku na ka 30 ki Test chisngi cha palat 1000 tylli ki Test chisngi.
Ki tiar Test kattæ da em ki ha ki 9 tylli ki District. Da em waroh 18 tylli ki COVID-19 Testing Machine – 4 ki RT-PCR, 3 ki CBNAAT wa 11 tylli ki TrueNat. Ka jylla da em ko 3847 tylli ki thaw thiah kiwa da mang neibynta kiwa yoh COVID-19 ha kylleiñ ki District. Heiwa ya kiwa yoh COVID-19 da yabhah yaki ha ki 4 bynta– Category A (ki wym em ki dak wa chitom), Category B (kiwa chitom malu mala), Category C (kiwa pynoo ya ki dak chitom kiwa rap joor) wa Category D (kiwa chitom joor).
Ka sorkar da booh ko leh yaki Corona Care Centre waki thaw leh Quarantine yong ka hi (Institutional Quarantine Centre) wei da em leh kiwa pynlai da ki chnong ki thaw (Community Quarantine Centre). Ka jylla da em ko 1272 tylli ki Community Quarantine Centre ha kylleiñ ki District. Hadooh kattæ, ka jylla da em ko palat 7000 tylli ki Community COVID Management Committee ha kylleiñ ki District.
Ya ki nong Meghalaya kiwa em cha baar jylla, da thap T. 3000 cha ki Bank Account yong ki 10,038 ngut kiwa sahkut cha baar jylla hapoh ka Chief Minister’s Special Grant. Da pynbiang leh yaki rel kyrpang na Chennai, Bengaluru, Mumbai, Delhi, Hyderabad, Goa, Rajasthan, Gurugram wa Gujarat yow wanrah ya kiwa chong chnong cha yung, ya kitu kiwa sahkut ha ki jylla ka thaaiñ mihsngi, da pynbiang ki Bus wow lithooh yaki.
Ka sorkar Meghalaya da pynbiang ko leh yaki mar wa emkaam (Provision Kit) ya kiwa liwan na baar jylla ha i por wa hap ki wow leh yaka Quarantine wa 14 sngi.
Yow pynchlur ya ki chnong wow yaleh pyrchah ya ka khlam COVID-19, da e yarap poisa T. 10,000 cha kawi pa kawi ka Community Quarantine Centre kawa krehkaam. Da pynlait waroh T. 148.90 lak cha ki Community Quarantine Centre kat hadooh ka 24 tarik u July, 2020.
Ya kiwa mylla sngi wa kiwi kiwa kreh kiwa da dooh kamai neidaw ka khlam, ka sorkar lyngba ka Labour Department da e ko boon ki jait yarap. Da e yarap poisa T. 5000 uwi wa yoh myntoi kam ka bai lutsan ha i por wa em ka Lockdown cha ki 25,794 ngut ki misteri wa kiwi ki wakreh kiwa da Register kawa poi cha ka T. 12,89,70,000.
Ka sorkar Meghalaya lyngba ka yung krehkaam u Labour Commissioner da sdang ki yaka Chief Minister’s Relief Against Wage Loss Scheme (CRAWL) khnang wow e yarap ya kiwa mylla sngi, kiwa khayi wa khian ha i por wa em ka Lockdown. Hapoh ka Scheme, da e yarap neibynta ka le tayaw da e T. 700 chi tayaw kawa poi T. 2100.
Ka sorkar da pynsñiaw ko yei sñiawngooh ya kiwa boon ki seiñ wa ki bru samen kiwa wan chakhmat wow e sñiawbha cha ka Chief Minister’s Relief Fund. Hapoh ka Chief Minister’s Relief Fund, da pynemkaam T. 4.50 klur wow thied ya 25 tylli ki COVID-19 108 Ambulance. Sa T. 95.55 lak da pynemkaam wow thied 20 tylli ki EECO Ambulance.
Waroh 45 tylli ki Ambulance da ekti cha ka Health & Family Welfare Department wow pynemkaam ha kini ki por wa em ka khlam COVID-19.
Da sdang leh yaka Meghalaya Health Systems Strengthening Project kawa dang lai chakhmat wow pynkhlan ya ka kaam sumaar, wow pynjanai ya ki chakri ha i chait i khiah deiwa pynkhlan ya ki District Hospital. Ha i bynta wa nyngkong, ka sorkar da mang ko T. 75 klur. Nalor ini, ka sorkar da booddien ko waka World Bank waka sorkar India neibynta ki Project kiwa yoh yarap poisa nalor kawa da poi hadooh T. 352 klur yow pynkhlan ya ki laad sumaar ha ka jylla.
