T. 1,97,000 wan kylliang poisa ki paidbah ha ka Coin Exchange Mela

Jowai: Ka Coin Exchange Mela wa chi sngi da pynman ynne ka sngi ha pchem ka ophis u DC ka West Jaiñtia Hills, da wan chimbynta da ki ar tylli ki bank; ka SBI wa ka United Bank of India heiwa ki paidbah da wan kylliang ki ya ki poisa kot T. 100 T. 500 wa ki T. 2000 yow yoh ya ki poisa khutia nar.

Da pynman ya kani ka yaw kylliang poisa khutia neidaw wa katni boon ki bank e ki da ki poisa wa heh dor kam ka T. 2000 wei ki khutia wa e leh man ki kiwa da rim wei em leh kiwa da sih.

Ya kiwa kylliang ya ka T. 100 da e ya ki da ki poisa khutia nar T. 1 chisong. Kiwa kwah T. 200 ye ki u chim da ki T. 2 wa em 100 tylli chi song.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kamni da song leh 100 tylli chi song ki T. 5 poisa nar wa ki poisa nar wa T.10.

Waroh ynne sngi da kylliang hadooh T. 1,97,000 heiwa ka UBI da kylliang ko T. 1.2 lak katwa ka SBI da kylliang ko T. 77 hajar.

Ki paidbah wa kwah khutia ye ki u lai ha kiwon kiwon ki bank yow kylliang poisa khutia ha ki sngi wa man kreh ki bank.

Neiliang u DC da ong u wa yooluti wa u wan kylliang poisa ki paidbah da kiwa boon neibhah i ood ki paidbah wa duna khutia toh iwa joor bha.