Ka Mosianglamare New Youth Welfare Organization Sports Club da pyntip ko wa daw pynman ko ya ka 6th Open To All Invitation Football Knock-Out Tournament 2022 ha Mosianglamare New Playground, kawa daw sdang nadooh ka 26-03-2022.
Kamtæ da khut ya ki Club lane ki bru samen wow wan chimbynta ha kani ka Tournament kam ka dak wow kyrchaan ya ka Club heiwa ka Prize waroh dapoi T. 2,50,000 (Ar lak sanphawhajar tangka).
Kiwa yoh yei naam Champion Team/Club u yoh ki T. 1,60,000 deilang waka Trophy. Kiwa yoh wa ar namo ka Runner Up Team/Club u yoh ki T. 90,000 deilang waka Trophy.
Ka bai Entry Fee man ko T. 4000 kawi ka Team.
Yei jubab hap wow e hapoh ka 21-03-2022, hapoh 1:00 waje i sngi wei hadien ini daw pynkhle nasib noh ya ki Team ha madanbol ka Mosianglamare New heipor 1:00 waje i sngi.
Haka 1st Round wa 2nd Round, da elaad wow chah ya yaki Player wow yalehke ki na kawon kawon ka Team/Club kawa sñiaw kwah ki wei ym emkaam wow su kuna (Fine).
Nadooh ka Quarter Final hadooh Final, ym chah de ya kiwa yalehke na kawi ka Team/Club cha kawi katwa ka Team yong dang jop ki, tangwa ki Player wa rem haka Quarter Final, Semi Final won daw e laad biang ya ki wow yalehke ki na kawon kawon ka Team/Club kawa kwah ki deiwa su ya ka “Late Fee (Fine)” kawa T. 300 uwi u Player (uwa da rem) katwa kiwa wan thymme (Fresh Players) ym emkaam wow su Fine.
Ya ka yutip wa bniah ye wow Phone ha kini- 8731907146/6009005161.
I pyntip na u Nibes Nongtdu, Secretary Mosianglamare New & Youth Welfare Organization Sports Club.
