Ka Dorbar Chnong Namdong-A da e khublei wei kitbok kitrwiang ko ya u Dawan Lyngdoh uwa man kam u MDC ka thaaiñ uwa man leh kam u kyrtong MLA ka UDP na 1-Nartiang Constituency yow yoh u yei jop deiwa pynman ya ka dorbar ka chnong ha ka 3 tarik uni u bnai ha madanbol ka chnong.
U Dawan Lyngdoh da kyrpaad wei da paan u yei kyrchaan na ki paidbah wa chong chnong wow e yei kyrchaan dei mon wa laitlooid ym deiwa pynbor ya kiwon kiwon nadooh kiwa chong chnong wa ki paidbah ka Constituency hi waroh kawi deiwa kyntu leh ya ki paidbah wow burom kylliang khnang wow neh i chongsuk chongsaaiñ.
Neiliang u Arki Sumer, Waheh Chnong ka Namdong-A leh da booh u yei kyrpaad lang ya ki paidbah wa chong chnong wow kyrchaan lang ya u Dawan Lyngdoh kam u bru uwa da pynyoo chiboon ki kaam wa bha ha ka chnong ka thaw wa ha ka imlang shalang.
Hadien ini pynsñiaw na u Dawan wa na u Waheh Chnong, neiliang ki paidbah wa chong chnong da rai ki wow kynchew poisa yow e yarap cha u Dawan Lyngdoh da ka song poisa kawa T. 2 lak na ka chnong kam ka dak wow kitbok kitrwiang ya oo khnang wow yoh u yei jop ha kani ka Election MLA.
Ka Wyrta na u S. Thubru, Secretary Chnong Namdong-A.
