Waroh ki jylla ka ri lait na ka Tamil Nadu daw yoh myntoi ki na ka Scheme thymme ka sorkar pyrdi wa tip kam ka “Special Assistance to States for Capital Expenditure”.
Ya kani ka Scheme da pynbna da ka Finance Minister ka ri ha ka 12 Naichiphaw 2020 kam chibynta yong ka AatmaNirbhar Bharat.
Kani ka Scheme toh wow yarap ya ki sorkar jylla hadien wa chem chitom ki neidaw wa em ka khlam COVID 19. I pynlut poisa namo ka Capital Expenditure daw yarap ko chiboon hei yoh i la hadien habood.
Ki sorkar jylla da yaroh bha ki ya kani ka Scheme heiwa da yoh i tyrwa (Proposal) na ki 27 tylli jylla waroh iwa kynjoh T. 9,879.61 klur wei yeini da pdiang da ka Ministry of Finance. Na kani da pynlait hadooh T. 4,939.81 klur cha ki jylla.
Ki kreh wa da mang wow leh lyngba kani ka Capital Expenditure toh kiwa boon nadooh i chait i khiah, puræ puthi, i rukom saam um, ki sarok luti syngkieñ, i rep i riang wa kiwi kiwi.
Ya kani ka Scheme da bhah ha ki le bynta (part) heiwa ka Part –I toh neibynta ki jylla ka ka thaaiñ mihsngi ka jylla heiwa da booh bhah hadooh T.200 klur chi jylla (Arunachal Pradesh, Meghalaya, Manipur, Mizoram, Nagaland, Sikkim and Tripura). Neidaw wa boon bru ware hapoh ka Assam, ka won da yoh bhah (Allocated) T.450 klur na ka Scheme.
Ka Part-II yong ka Scheme toh ya ki jylla kiwa ym em ha ka Part-I heiwa da mang wow e hadooh T. 7,500 klur cha ki jylla wei i bhah wow yoh kini ki jylla toh katkam ka bhah na ka Central Tax wa da booh da ka 15th Finance Commission neibynta u snem 2020-21.
Ka Part-III won toh neibynta ki kaam pynroi ha ki jylla heiwa da booh wow pynlut T. 2000 klur wei ya kani u yoh ki jylla wa ye u pyndep 3 na ki 4 tylli ki kaam pynroi namo Reforms wa booh ka Ministry of Finance ha ka chithi wa pynmih ko ha ka 17 Naisan 2020 wei kini ki 4 tylli ki Reforms toh ka One Nation One Ration Card, Ease of doing Business Reform, Urban Local Body/ Utility Reform wa Power Sector Reform.
Ka sorkar pyrdi da booh ko wow e ya ka jylla Meghalaya T. 200 klur wei na kani da pynlait dang T. 100 klur.
| Scheme for Special Assistance to States for Capital Expenditure | ||||
| (Rs. in crore) | ||||
| S.No | State | Amount Allocated | Amount Approved | Amount Released |
| 1 | Andhra Pradesh | 344.00 | 344.00 | 172.00 |
| 2 | Arunachal Pradesh | 200.00 | 200.00 | 100.00 |
| 3 | Assam | 450.00 | 450.00 | 225.00 |
| 4 | Bihar | 843.00 | 843.00 | 421.50 |
| 5 | Chhattisgarh | 286.00 | 286.00 | 143.00 |
| 6 | Goa | 32.00 | 32.00 | 16.00 |
| 7 | Gujarat | 285.00 | 285.00 | 142.50 |
| 8 | Haryana | 91.00 | 91.00 | 45.50 |
| 9 | Himachal Pradesh | 450.00 | 450.00 | 225.00 |
| 10 | Jharkhand | 277.00 | 277.00 | 138.50 |
| 11 | Karnataka | 305.00 | 305.00 | 152.50 |
| 12 | Kerala | 163.00 | 163.00 | 81.50 |
| 13 | Madhya Pradesh | 660.00 | 660.00 | 330.00 |
| 14 | Maharashtra | 514.00 | 514.00 | 257.00 |
| 15 | Manipur | 200.00 | 200.00 | 100.00 |
| 16 | Meghalaya | 200.00 | 200.00 | 100.00 |
| 17 | Mizoram | 200.00 | 200.00 | 100.00 |
| 18 | Nagaland | 200.00 | 200.00 | 100.00 |
| 19 | Odisha | 388.00 | 388.00 | 194.00 |
| 20 | Punjab | 150.00 | 146.50 | 73.25 |
| 21 | Rajasthan | 501.00 | 501.00 | 250.50 |
| 22 | Sikkim | 200.00 | 200.00 | 100.00 |
| 23 | Tamil Nadu | 351.00 | 0.00 | 0.00 |
| 24 | Telangana | 179.00 | 179.00 | 89.50 |
| 25 | Tripura | 200.00 | 200.00 | 100.00 |
| 26 | Uttar Pradesh | 1501.00 | 1501.00 | 750.50 |
| 27 | Uttarakhand | 450.00 | 434.11 | 217.06 |
| 28 | West Bengal | 630.00 | 630.00 | 315.00 |
| Total | 10250.00 | 9879.61 | 4939.81 |
