Ka Deputy Commissioner ka East Khasi Hills District da pyntip ko wa kiwa yoh COVID-19 kiwa em ha ki Corona Care Centre kiwa pynlai da ka sorkar hapoh ka District wa neini chakhmat i bai baam wa pynbiang da ka sorkar daw hap wow su T. 380 chi sngi.
Kini ki Corona Care Centres ka sorkar toh kiwa em ha:
- IIM, Shillong, Umsawli
- MIIT, Shillong (Moreau Institute of Institute of Integral Training)
- MATI, Shillong
- NIFT, Mawdiangdiang
- TB Hospital, Umsawli
Da pyntip leh wa kiwa yoh COVID-19 kiwa haap hapoh ka Category A wa B kiwa ym emkaam wow thiah Hospital tangwa ym yoh thaw ki wow chong kset ha yung, ye ki wow lai cha ki Corona Care Centre.
Tangwa ya kitu kiwa wan na ki manyung BPL ym emkaam ki wow su deiwa pynyoo yaka Card AYY ka rong stem lane ka PHH ka rong pink NFSA Ration Card. Ha ki Corona Care Centre daw hap ki wow wanrah ya kini ki heipor wa psiah lane hadien 5 sngi da kiwa ha yung ha sem yong ki.
Kitu kiwa kam toh ki BPL tangwa ym em ki ya ki kot ki sla yow pynsakhiat, daw pynsakhiat ya ini na ki BDO lane ki Magistrate.
Kiwa ym em kwah wow baam da iwa pynbiang ka sorkar, ye kiwa ha yung ha sem yong ki wow wan pynbiang yei baam wei yeini toh u pyntip pyn ha i por wa psiah cha ka Corona Care Centre yow ye u pynbait kammon wow wanrah ya i baam wei heiwon i thaw wow li booh.
Ya i su won ya i bai baam kitu kiwa baam da iwa pynbiang da ka sorkar, daw phah yaka Bill lyngba ka SMS lane da ka WhatsApp deilang wa u Link wa ye ki bru u su. Ye wow su heipor wa mih, ye wow su Online wei ye leh wow su haka CCC Cash Counter wa em ha Polo Ground.
Kiwi ki mar kam kiwa pynemkaam wow pynkhooid ya idæ leh toh kiwa hap u su wei ya kini leh ye wow pynbiang da kiwa ha yung ha sem.
