U Deputy Commissioner ka West Jaiñtia Hills District deiwa bood yaki kyndon ka Health & Family Welfare Department ka sorkar Meghalaya, da pyntip wa kiwa yoh COVID-19 kiwa em ha ki Corona Care Centre kiwa pynlai da ka sorkar hapoh ka District wa daw hap wow su ki T. 400 chi sngi i bai baam.
Kani ka Corona Care Centre toh ka St. Aloysius Hospital Corona Care Centre (CCC) Ummulong.
Da pyntip leh wa kiwa yoh COVID-19 kiwa haap hapoh ka Category A wa B kiwa ym emkaam wow thiah Hospital tangwa ym yoh thaw ki wow chong kset ha yung, ye ki wow lai cha ki Corona Care Centre.
Ki bru kiwa da Test wei toh kiwa man Positive ha MCH Hospital, Jowai lane ha kiwon kiwon ki thaw Test kiwa jied wow lai sah cha ka Corona Care Centre daw pyntip cha ki wa i baam daw hap ki u su ha ini i por wa em ki hapoh ki CCC.
Tangwa ya kitu kiwa wan na ki manyung BPL ym emkaam ki wow su deiwa pynyoo yaka Card AYY ka rong stem lane ka PHH ka rong pink NFSA Ration Card. Ha ki Corona Care Centre daw hap ki wow wanrah ya kini ki heipor wa psiah lane hadien 5 sngi da kiwa ha yung ha sem yong ki lane deiwa pyntip cha kiwa pynlai ya ka Centre yow li chim na yung kiwa sah.
Kitu kiwa kam toh ki BPL tangwa ym em ki ya ki kot ki sla yow pynsakhiat, daw pynsakhiat ya ini na ki BDO lane ki Magistrate.
Kiwa ym em kwah wow baam da iwa pynbiang ka sorkar, ye kiwa ha yung ha sem yong ki wow wan pynbiang yei baam wei yeini toh u pyntip pyn ha i por wa psiah cha ka Corona Care Centre yow ye u pynbait kammon wow wanrah ya i baam wei heiwon i thaw wow li booh.
Ya i su won ya i bai baam iwa pynbiang da ka sorkar, daw phah yaka Bill lyngba ka SMS lane da ka WhatsApp deilang wa u Link wa ye ki bru u su. Ye wow su heipor wa mih, ye wow su Online lyngba kiwa ha yung ha sem, ye leh wow su haka CCC Cash Counter.
Hawa su, hap wow khana che ya u COVID ID yong uwa em hapoh CCC wei ya iwa da dep su toh u phah lyngba WhatsApp/email yow pynsakhiat wa da dep su.
Kiwi ki mar kam kiwa pynemkaam wow pynkhooid ya idæ leh toh kiwa hap u su wei ya kini leh ye wow pynbiang da kiwa ha yung ha sem lada ym kwah wow pynbiang ka sorkar.
