Ki Dorbar Chnong Khimusniang, Jowai da pyntip paidbah ko wa ka chnong da maham ko wym chah u leh ya kini ki kaam wa ha wah hapoh u pood u ang ka chnong:
Da khang wow sikai yah kari nadooh ki thuk-thuk wa kynthup leh ya ki Scooty hapoh ki sarok ka chnong.
Da khang wow yah pynhær ya waroh ki jait kari nadooh ki thuk-thuk wa ki Scooty hapoh ka chnong.
Da khang ya kiwon kiwon ki kari kamjooh ki kari ar chaka wow pynyieñ ha ki thaw wa da thoh ‘No Parking’.
Da khang ya ki kari wow lai Neutral wei wow tympleh ya ki Head Light heipor miet.
Da khang ya ki kari wow pynheh sur hapoh kari, u pyndait da ki Muffler yow pynood yei bor ka thuk-thuk kamjooh ki kari.
Da khang wow chong dih kiad, dih drugs, dih bhang hapoh kari wei wow yieñ u chong ha ki thaw wa doom.
Da khang wow klam sih, klam sang, u ya kajia, u yachoh yadat hapoh ka chnong.
Da khang wow noh roi yei jhep, ki song baam Plastic wa kamjooh kiwon kiwon ki song baam ha sarok wa cha loom cha wah hapoh ka chnong ka thaw.
Lada chem ya kiwon kiwon wa tyngkheiñ ya kitai ki kyndon haneiñ daw chah pynchitom katkam ki kyndon yong ka chnong deiwa hap su ka dan wa T. 5000 wei daw e kti ya ki cha ka aiñ.
