Ka EC yong ka Dorbar Chnong Mynsngat da rai ko wa waroh ki yalang yalap Election yong ki kyrtong (Candidate) hapoh ka 1-Nartiang Constituency u pynlai ya ki da ka chnong.
Da khang pyrchah u pynheh sur hadien ka 10:00 waje i miet wei lada chem wa leh pyrchah daw pynchitom deiwa daiñ kuna T. 5000.
Da khang pyrchah wow saam poisa cha kiwa chong chnong neibynta wow yoh Vote heipor Election.
Heijooh i por da khang pyrchah ya ki kyrtong wa kiwa yahkhmat namo ki Leader u wan psiah chapoh chnong poh dong khlem yohbor na u waheh chnong.
Kam chibynta i khooid i jngiar da khang wow noh jhep chapoh chnong hawa em ki yalang Election ya waroh ki kyrtong.
Kiwon kiwon kiwa leh pyrchah ya kini ki kyndon, ka EC Chnong ym yohsa ko wow pynchitom katkam ka aiñ wa da booh khamtam ki bor sorkar.
Ka EC ka chnong Mynsngat kyntu ko leh ya waroh wow sñiawbha u krehlang wow wanrah ya i chongsuk chongsaaiñ khnang wow man ini waroh iwa jop.
Ini toh katkam ka Wyrta na u waheh chnong, u Pham Pakma.
