Ka Dorbar Chnong Khimusniang, Jowai ynne da pynmih kyndon wow khang ya ki kaam wa sih hapoh u pood u ang ka chnong kiwa man kamni ha wah:
Ym chah wow ya chong dih kiad/drug/bhang hapoh kari næ wow yieñke næ chong ha ki thaw wa doom.
Ym chah wow klam sih klam sang, u yachoh yadat hapoh ka chnong.
Ym chah wow yakhle hapoh ka chnong.
Ym chah wow sikai yah kari lane ki thuk-thuk wa Scooty ha ki sarok hapoh chnong.
Ym chah ya ki kari, thuk-thuk wow pyndait ya ki Muffler ha ki Silencer kari wei wow pynheh ya ki sur tem hapoh kari.
Ym chah wow yah pynhær ya kiwon kiwon ki jait kari hapoh ka chnong.
Ym chah wow pynyieñ kari ha ki thaw wa da khang wow pynyieñ kari kiwa da thoh “No Parking”.
Ym chah ya ki kari wow lai Neutral deiwa tympleh ya ki bor pynthaba ki kari heipor miet.
Ym chah wow noh roi ya ki Plastic song baam/jhep ha ki sarok hapoh ka chnong.
Kiwon kiwon kiwa tyngkheiñ ya kini ki kyndon ka chnong kiwa da kdaw haneiñ la da kiwa chong chnong næ baar chnong daw hap ki wow su ya ka kuna kawa T. 5000 wei daw e kti ya ki cha ka aiñ.
