U Montri Rangbah ka jylla, u Conrad Sangma da sdang u ya ka FOCUS+ kam chibynta wow pynyaar chooh chooh ya ka FOCUS kawa da e yarap cha ki warep katwa ka FOCUS+ won daw e yarap ko cha ki manyung ka jylla.
Hapoh kani ka FOCUS+ daw e yarap ko cha waroh ki manyung kiwa kwah u leh ki kaam wow kyntu kynrong ya ka rep ka riang heiwa daw e yarap poisa T. 5000 kawi ka manyung deiwa phah ya ka poisa cha ka Bank Account kiwa yoh myntoi.
Ya kani ka Scheme da wai paidbah ha Resubelpara, North Garo Hills ynnin ka sngi heiwa u Conrad da ong u wa ha kini ki soo snem chiteiñ ka Meghalaya da pteiñ ko wow ku ha kiwa boon ki liang wei kawi na kini toh ya ki warep heiwa ka FOCUS da yarap ko wow pynku yei kaam rep deiwa e nongmuna ya ka Lakadong Mission, Piggery Mission, Milk Mission, Spice Mission, Ginger Mission, Aroma Mission wa kiwi de yow yoh ki warep yei kyrchaan wa emkaam ki yow pynpoi ya ki mar na ki thaw rep cha ki yaaw ki haat.
Chooh chooh da ong u wa ka FOCUS+ daw e yarap ko cha waroh ki manyung wa em cha palatsor yow ksohkti lang ki wa ki warep yow pynkhlan wei wow pynku leh ya ka nong ki da ar chah.
Ka FOCUS kawa da sdang ha u Wisu (Mar) 2021 da yoh myntoi la 2.45 lak ngut ki warep hadooh katni dei thmu wow pynchlur ya ki warep wow pynlum pynlang ki ya idæ deiwa ya krehlang deiwa sdang ya ki seiñ ki warep namo ki Producer Group.
Hapoh ka FOCUS+ leh, ki manyung daw hap ki wow Register hapoh ka Producer Group yow yoh myntoi.
