T. 50,000 e yarap kiwa sikai skur Primary ka Jaiñtia Hills cha ka CM Relief Fund for COVID-19

Ynne ka sngi ka seiñ kiwa sikai skur kawa tip kam ka Jaintia Hills Government Primary School Teacher Association (JHGPSTA), Jowai hapoh i yahkhmat u General Secretary ka seiñ, u Heimonmitre Mohrmen, wa u Asst. Secretary yong ka, u Ricky Lamare da e yarap ki cha ka Chief Minister’s Relief Fund for COVID-19.

Ya i e yarap wa T. 50,000 da ekti ka u DC ka West Jaiñtia Hills, u Garod LNS Dykes ha kamra krehkaam yong oo.

Ka JHGPSTA toh ka seiñ kiwa sikai skur Primary yong ka East Jaiñtia wa ka West Jaiñtia Hills wei kani ka poisa toh wow yarap ya ka yarong poi ka sorkar jylla hei yakhun pyrchah ya ka khlam u COVID-19.

Ynne hi ka sngi, ka Seiñ Raij Jowai leh da e sñiawbha ko T. 100,000 cha ka jooh ka Relief Fund.