• About Us
  • Contact Us
  • Privacy Policy
  • Advertise With Us
  • Terms & Conditions
Thursday, July 10, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
ADVERTISEMENT
Home Sports

T. 50,000 yarap u Wailad yaka Under-14 ka Mihmyntdu RC Eve Secondary School kawa jop ya ka Subroto Cup

Wyrta Staff by Wyrta Staff
August 8, 2022
Reading Time: 5 mins read
A A
0
Share on FacebookShare on Twitter
ADVERTISEMENT

U MLA ka 2-Jowai Constituency, u Wailadmiki Shylla ynne ka sngi da e yarap u T. 50,000 cha ka kiwa yalehbol Under-14 ka Mihmyntdu RC Eve Secondary School, kawa da yoh rah naam jop haka State Level Subroto Mukherjee Cup 2022, wei daw mihkhmat ko yaka jylla cha Delhi haka 6 tarik u bnai wow wan.

Yeini i yarap da e u hadien ka yalang pynkup burom yaka kynhun yalehkbol wada pynman daka Mihmyntdu RC Eve Secondary School, hei emlang u Brightstar Chyrmang, MDC Jowai North, u Nominated MDC ka JHADC u Octomewot Lamin, ki phadar wa kynthup ya u Rev. Fr.H. Lamare, Parish Priest Jowai, u Rev. L. Paswet, Asst. Parish Priest Jowai, u Rev. F. Dkhar, Administration Jowai Diocese neitæ u waheh chnong ka Mihmyntdu u A. Phawa wa kiwi wa chah khut sñiawbha.

ADVERTISEMENT

U District Sport Officer, West Jaiñtia Hills, u K. Passah ong u wa heipor wa yalehke ki haka District Level wym em poi pyrkhat u wa daw poi ki hadooh kani ka burom, hanla kattæ leh yaroh u yei kreh chitom kiwa sikai kamjooh ki khynnah wa da ye ki u wanrah ya kani ka naam ka burom haka District wa ka chnong.

Heiyatoh wei pynkhreh yong ki u lai mihkhmat cha Delhi ong u wa ka chnat krehkaam yong oo u pynbiang lut ko waroh i emkaam yong ki nadooh ka bai lai bai wan wei waroh i lut i sep u bah khlieh hi ka chnat Sport.

Related posts

3rd Division EJHDFA: Jop ka Tongseng wa ka Pala

July 10, 2025

3rd Division EJHDFA: Jop ka Umrasiang, Rymbai Pohskur wa ka Moonongtdu

July 9, 2025

Ong haroh u wa hanla ym tanar u wow lai lang chirup wa ki leh, pyntikna won u wa la jia poi Final ki wym dam u wow wan.

Kyntu u ya ki khynnah u man kiwa em akor, kiwa kohngooh ya kiwa sikai kiwa yah luti wei syndong i rukom baam yow ye u lehbha.

Neliang u Wailadmiki Shylla won ong u, kani man ka bynta wa kyrpang tam la wyrchaw wa ki por nachwa, wa ki khynnah wa jooh yoh u mihkhmat ha kam kini ki lympung boonsien toh kiwa wan naki skur wa biang kiwa sikai wa ki tiar chah sikai, kamjooh leh wan ki naka yung ka sem wa rap dap rap biang wymtoh kam kani ka skur.

“Yow poi chaka thong hap maad yei eh wei kiwi won ki khynnah skur leh toh u pait ki yei nongmuna kini dei wow booh ka thong lada ki ye ki, i leh ye hi i,” ong u Wailadmiki hawa klam kyntu kyrsu ya ki khynnah.

Ong haroh u ya kiwa yalehke wymtoh u pynsepai ki ya kani ka laad ka kabu ka wow e laad ya ki u rap pynpliah chooh chooh ki chaphrang.

Heijooh i por ong u lada jop næ rem leh iwa kongsan toh u e iwa bha tam ya kiwa wan paitke wei yooluti u leh wow liwan ki dei jop. 

Chwa ini da yoh i klam yahkhmat naka Tina Lakiang, Head teacher Cum Secretary wa kiwi.

ShareTweetSendShare
Previous Post

Wan wai u Conrad ya ka College of Nursing ka Dr. H Gordon Roberts Hospital

Next Post

Da ka Online Voting yow jied ya kiwa jop ha ka yakob pynmiat dur ya ki dong ka Shillong

Related Posts

Sports

3rd Division EJHDFA: Jop ka Tongseng wa ka Pala

July 10, 2025
Sports

3rd Division EJHDFA: Jop ka Umrasiang, Rymbai Pohskur wa ka Moonongtdu

July 9, 2025
Sports

Yoh takma uwi neibynta ka Meghalaya ha ka National Junior Wushu Championship

July 8, 2025
Sports

3rd Division EJHDFA: Jop ka Suchen Lumiarain wa ka Mynkre

July 8, 2025
Next Post

Da ka Online Voting yow jied ya kiwa jop ha ka yakob pynmiat dur ya ki dong ka Shillong

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar