Ka Meghalaya State Legal Services Authority da pynman ko ya ka National Lok Adalat ynne ka sngi ha ki 11 tylli ki District ka jylla hapoh i pyrtuid ka National Legal Services Authority (NALSA) wei hapoh i pait u Justice Sanjib Banerjee, Chief Justice, High Court ka Meghalaya uwa man leh kam u Patron-in-Chief ka Meghalaya State Legal Services Authority (MSLSA).
Da pait lang leh ya ini da u Justice H.S. Thangkhiew, Judge, High Court ka Meghalaya uwa man leh u Executive Chairman ka Meghalaya State Legal Services Authority.
Ha kani ka National Lok Adalat, da bichaar ya 639 ki mukotduma ki wym pu em poi cha ka yung bichaar wa 454 tylli kiwa dang sahteiñ yow pynkut noh ki.
Kamtæ waroh dapoi 1093 tylli ki mukotduma kiwa da bichaar heiwa na kini da em 190 tylli kiwa da pynkut heiwa da su T. 62,78,327.59 hapoh kani ka National Lok Adalat.
