Shillong: “Ka Scheme MLA ym toh kawa yalehke Politics chisien san snem wei nga kular O wow saam ya ka Scheme MLA wei toh u man ko hawa chit wa che chi sien chi snem”, da ong u Banteidor Lyngdoh, MLA ka Mawkynrew Constituency, uwa man leh u myntri ka sorkar jylla ha ka yalang pyllait Scheme lyngba ka Special Rural Work Programme (SRWP) 2018-19 kawa man na ka Scheme MLA ynnin ka sngi ha Warmatlah.
Ha kani ka sngi, ki paidbah chong chnong na ki 10 tylli ki chnong kiwa haap ha i pait ka Mawryngkneng C&RD Block wa kiwa haap won ha ka Mawkynrew Constituency da yoh myntoi wei da yoh pdiang yarap na u MLA ka thaaiñ, u Banteidor Lyngdoh lyngba ka Mawkynrew Constituency Progressive & Implementation Committee (MCPIC).
Ini i e yarap u MLA toh da ki tin sap yung (CGI Sheet) cha 200 tylli ki manyung mar le song wa poi T. 30 lak, ka song yarap poisa cha ki 310 ngut ki warep mar T. 5000 kawa da poi 15 lak 50 hajar tyngka wei kamjooh ki Work Order wow pynkreh ya iwa emkaam paidbah chong chnong ha kini ki 10 tylli ki chnong kawa da poi cha 20 lak tyngka.
Hawa kheiñ lang waroh, u MLA du ha kini ki chiphaw chnong da pyllait u 65 lak 50 hajar tyngka na kani ka Scheme. Kini ki chnong kynthup ya ka chnong Madanlangning, Mawpyrshong , Warmatlah, Mawber ,Umsawlum, Thadan, Maw U Sam, Mawkathein, Laitkseh wa Umtngew.
Discussion about this post