Ynne ka sngi da pynman ya ar tylli ki yalehke kam chibynta yong ka lympung 2nd T20 Cricket Tournament wa da pynlai da ka Sports and Social Cultural Club, Ummulong heiwa ha ka yalehke wa nyngkong, ka LED CC da jop ko yaka MLO4-United da 7 Wicket.
Ya ka kylla-khlem da jop da ka MLO4-UNITED wei da jied ko wow Bat nyngkong heiwa da ye ko u kamai 102/10.
Neiliang kiwa kawang bol ka LED CC, u Deilangki Passah da yoh u 5 Wicket katwa u Marconi Phawa da yoh u 3 Wicket.
Hawa kdong yaka thong, ka LED CC da jop ko du hapoh ka 12 Over, heiwa uwa kamai Run boon dooh toh u Deilangki Passah 35 Run na 12 bol wa u Jerry Mukhim 34 Run na ki 10 bol, katwa na kiwa kawang bol ka MLO4-United u Honeyboy da yoh u 1 Wicket.
U Man of the Match ha kani ka yalehke toh u Deilangki Passah.
Ha ka yalehke wa ar ka Risingstar da jop ko ya ka Elite XI da 57 Run.
Ya ka kylla-khlem da jop da ka Risingstar wei da jied ko wow Bat chwa heiwa da ye ko u kamai 159/4 wei uwa kamai boon Run dooh toh u Mewada Shylla uwa yoh 63 Run na 53 bol wa u Nick Dann uwa yoh 54 Run na ki 39 bol.
Neiliang kiwa kawang bol ka Elite XI, u Weipul da yoh u 2 Wicket.
Hawa kdong yaka thong, ka Elite XI da poi ko du 102/10 na ki 20 Over heiwa uwa kamai Run boon dooh toh u Dipak uwa da yoh 23 Run na ki 12 bol, katwa na kiwa bol ka Risingstar u Deibormi Rangad wa u Peterson Lamare da yoh ki mar 3 Wicket.
U Man of the Match ha kani ka yalehke toh u Mewada Shylla.
Discussion about this post