Tam ka Meghalaya da 90 Run ya ka Arunachal ha ka sngi nyngkong ka U-16 Vijay Merchant Trophy

Shillong: Ka Arunachal Pradesh da bood ko ya ka Meghalaya da 90 Run hadien wa kut ka yalehke ka sngi nyngkong ka U-16 Vijay Merchant Trophy North East Zone wa pynman ha Mangaldai, Assam, ynne ka sngi.

Kani man ko ka yakleh wa khaddooh ka Meghalaya ha ka First Round heiwa da yoh ko u Psiah cha ka Round wa bood deiwa yoh ko 25 Point na ki soo tylli ki yalehke.

Hadien wa jop ka Arunachal ya ka kylla khlem da phah Bat nyngkong ko ya ka Meghalaya, kawa ha i wi i por da yoh ko 47/6. U Prince Maurya wa u Sudhir Sahani da ye ki u pynku ar chah ya ki Run chwa wow haap u Sahani uwa kamai 31 Run katwa Maurya da kamai u 50 Run khlem haap ka Wicket u hadien wa dooh lut ka Meghalaya ya ki Wicket yong ki deiwa yoh 137 Run.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ka Arunachal hawa Bat ko da chem chitom ko wow pynneh ya ki Wicket yong ka wei hadooh wa kut ka sngi wa nyngkong da yoh ko 47/8.

Kiwa kawang bol ka Meghalaya kiwa yoh u pynhaap Wicket toh u Nirdesh Baisoya 3/6, u Maurya 2/13, u Sahani (1/6), u Waldo Sangma (1/6) wa u Gavineal Marpna (1/7).