Ka niaw Vote neibynta ka Election Lok Sabha 2024 da sdang ko nadooh 8:00 waje ynne i step wei hadien kamwa chi kynta chiteiñ i niaw Vote ka Voice of the People Party (VPP) da tam ko na Shillong katwa ka Indian National Congress (INC) da tam ko na Tura.
Hadooh kattæ, u kyrtong ka VPP u Dr. Ricky AJ Syngkon da em u hei nyngkong deiwa yoh 70,810 Vote iwa tam da 46,814 Vote ya u kyrtong ka INC, u Vincent Pala, hei wa le da em ka kyrtong ka NPP, ka Dr. Mazel Ampareen Lyngdoh kawa da chah ieh chadien da 49,227 Vote neitæ bood sa u kyrtong ka UDP u Robertjune Kharjharin uwa da bood nadien da 63,759 Vote wei nadien dooh da em ki ar ngut ki kyrtong samen, u Prof. Lakhon Kma uwa da chah ieh da 68,233 Vote katwa u Peter Shallam won da 69,848 Vote.
Ka VPP kamwa man kattæ da yoh ko leh 54.73% ka Vote.
Ha Tura won, u kyrtong ka Congress, u Saleng A Sangma da em u hei nyngkong deiwa yoh 1,00,568 Vote deiwa tam da 39,475 Vote ya ka kyrtong ka NPP, ka Agatha K Sangma kawa yoh 61,093 Vote katwa hei wa le da em u kyrtong ka AITC, u Zenith M Sangma uwa booddien da 86,252 Vote katwa hei wa soo da em u kyrtong samen, u Labenn Ch Marak uwa booddien da 98,489 Vote.
U kyrtong ka Congress kamwa man kattæ da yoh u 56.12% ka Vote.
Discussion about this post