Hadien 94 sngi wa em kiwa dang yoh COVID-19 hapoh 100 ngut ha Meghalaya, ynne kiwa dang yoh da em ki palat 150 ngut tangwa da neh ki hapoh 200 ngut la 110 sngi wei da pteiñ u boon da kiwa dang yoh ya kiwa chait la 8 sngi iwa da pynku leh ya kiwa dang chah ktah wow em ki palat 500 ngut.
Kiwa dang yoh ynne ka 11 tarik da em ki 159 ngut, kiwa chait 27 ngut wa kiwa yap arngut ha East Khasi Hills.
Kiwa dang yoh toh ha East Khasi Hills (131), West Garo Hills (14), Ri-Bhoi (06), West Jaiñtia Hills (04), West Khasi Hills (03) wa ha East Jaiñtia Hills (01).
Kiwa chait toh ha East Khasi Hills (25), West Garo Hills (01) wa ha West Jaiñtia Hills (01).
Ki District wa boon dooh kiwa dang chah ktah toh ha East Khasi Hills (475), West Garo Hills (58) wa ha Ri-Bhoi (21).
Ki District wa duna dooh kiwa dang chah ktah toh ha South Garo Hills (00), South West Garo Hills (00), North Garo Hills (01), East Garo Hills (01), West Khasi Hills (01), East Jaiñtia Hills (04), South West Khasi Hills (04) wa ha West Jaiñtia Hills (10).
Waroh kiwa da chait da em ki 97.58% kiwa em 83,396 ngut, kiwa dang chah ktah 0.67% kiwa em 578 ngut, kiwa yap 1.74% kiwa em 1489 ngut, deilang dapoi 85,463 ngut kiwa da dep yoh ya uni u khñiang hapoh ka jylla.
