Ha ka sngi wa ka seiñ KSU-EJHDU da lai hiar ko cha Ratacherra yow pait u sylli yei yoh psiah ki baar jylla chapoh Meghalaya hadien iwa da jia yut chnong ha Assam, da pait leh yei rukom pynchna ya uni u sarok NH-6 ha kani ka thaaiñ.
Neiliang ka seiñ da ong ko wa da phylla wow yoo wa i bynta iwa nadooh na Lumshnong hadooh Ratacherra ym em tang uwi u bru wa kreh kamjooh ka kari næ ka kor wa pynkreh ya uni u sarok.
Ha ki bynta Kuliang, Donaskur, Ratacherra wa Malidor leh da neh kamjooh tyngkreng khlem da pynchna hanla da slem wa da sdang pynchna ya uni u sarok wei heijooh i por leh wa chimpor hadooh katni wow pynchna ya uni u sarok heiwa da yoo leh wa ka NHAI da paan por ma paan por ko na ka Meghalaya High Court yow pynchna ya uni u sarok.
Chooh chooh da ong wa wot ka yingkieñ Lukha leh lada ym pynchna smat ka ym slem de daw oor ko.
Kamtæ ka seiñ da ong ko wa kammon ka NHAI ym pyrkhat ko ya kiwa lai wa wan wei da kyntu leh ya ka sorkar wow pynbor ya ka NHAI kamjooh ya u Contractor wym toh u kreh tangdep wei wow pyndep kreh wut-wut.
Discussion about this post