Tba kti ka heh ka BJP ya ka kynthai wa duna bor khmat hapoh yungmane heipor wa lehkmen Christmas

Ha iwi i Video wa da poor bha da yoo ya kawa yahkhmat ka Bharatiya Janata Party (BJP) na Jabalpur, Madhya Pradesh wa tba kti ko ya kawi ka kynthai wa duna hei bor khmat hapoh ka yungmane deiwa pynbaad ya ka wa emkti ko wow pynkylla niam.

Ini da jia i ha ka 20 tarik uni u bnai hapoh ka yungmane wa em ha thaaiñ Hawa Bagh kawa dang haap hapoh ka Gorakhpur Police Station.

Kani ka heh ka BJP toh kawa tip kam ka Anju Bhargava kamwa man kam ka Vice President ka BJP Jabalpur City Unit wei da yoo wa leh ko yeini hakhmat ki pulit.

Ka Bhargava da yoo leh yei ksoh ko yei ktien kani ka kynthai wa duna hei bor khmat wei da khyrwait ko leh yei kti ko tangwa kani ka kynthai ym em pynjem ko deiwa ong ya kani ka heh ka BJP wow suki ko.

Related posts

Beiñ ka UDP yei chah tympdung Bomb deiwa kyntu wow klam yasuk biang

December 23, 2025

Pyndep ki 83 ngut ki Home Guard Volunteers ya ka Training

December 23, 2025

Kani ka heh ka BJP da ong ko leh ya kani ka kynthai wa manda kha biang ya ka sa chisien leh daw man ko kawa thlah ki.

Ka Bhargava da psiah ko chapoh kani ka yungmane deiwa emlang ki dkhot ka Hindu Seva Parishad heiwa da pynbaad ki wa kini ki bru wa duna i bor khmat da chah pynbiej ki yow kylla man Christan.

Ki pulit won da ong ki wa kani ka yalang da pynman kam chibynta wow lehkmen Chritsmas wei da khut sñiawbha leh ya kiwa duna hei bor khmat kiwa em ha ki Hostel wa pynlai da ka sorkar wow wan ki wow embyntalang.

Kini kiwa em heini da kyntait ki wa em i pyrchang wow pynkylla niam wei ki pulit leh da ong ki wym em kam itæ i pyrchang wow pynkylla niam.

Neiliang kani ka seiñ Hindu da lai ko chakhmat wow booh ya ka ujor ha ki pulit deiwa ong wa kini ki khynnah skur wa em ha ka Hostel ka sorkar da wan ki cha kani ka thaw niam khlem da pyntip ya ki bor wa toh u pait yeini.

Chooh chooh da kam ki wa ini ka yalang duwai Blai man ko dei yong Christan wei da e leh yei baam Non-Vegetarian iwa mut wa emlang wa i doh.

Ka Bhargava won da yada ko yeiwa leh ko deiwa ong wa da lai ko cha kani ka yungmane hadien wa pyntip cha ka wa ki kynthai wa duna hei bor khmat da chah ksoh ki ha ini i thaw pyrchah yei mon yong ki.

Da ong ko leh ym em kawon kawon ka ujor pyrchah ya ka neibhah kani ka kynthai toh kawa thlah.