I chong man dorkar ka sorkar Assam ynne da man ko kawa chit bha heiwa u Deputy Speaker ka Assam Legislative Assembly, u Dr. Nurmal Momin da chah tba kti u ha u MLA ka Congress, u Nurul Huda hapoh ka yung dorbar ynne i step.
Ini da jia i heipor wa ki MLA ka Congress da pynman yakhih ki pyrchah ya u MLA ka BJP, u Rupjyoti Kurmi yei rukom leh u hapoh ka yung dorbar ha ka 21 tarik wa neidaw wa chah kynthah ha ki MLA ka Liang Pyrchah wei deiwa leh i chrai, da lai toor u chakhmat ki MLA ka Liang Pyrchah.
U Kurmi hadien ini da paan maap.
Kamtæ ynne hawa sdang ka yung dorbar heipor wa pynman yakhih, u Nurul Huda da toor u cha u Deputy Speaker, u Dr. Nomal Momin heiwa da tba kti u oo. Hadien ini u Momin da lai e u da ka FIR ha ki pulit.
U Nurul Huda won da kyntait u yeini deiwa ong wa da lai u wow khang donhi yei psiah chapoh ka yung dorbar.
Neiliang u President ka BJP Meghalaya, u Rikman Momin da beiñ u yeini wa chah ktah kti u samen u Garo kamjooh u Christan wa yoh u man MLA hapoh Assam deiwa dawa wow pynchitom ya u Nurul Huda.
Discussion about this post