Teiñ teiñ pyntlot ko ya ki tre jylla manda em ki hapoh ki National Party: Dr. Mukul

Uwa yahkhmat ka Liang Pyrchah uwa man leh u MLA ka All India Trinamool Congress (AITC) na Songsak, u Dr. Mukul M Sangma da pynsñiaw u wa teiñ teiñ pyntlot ko ya kiwa yahkhmat wow yieñ yada ya ki dawbah yong ki tre chnong ka jylla hawa em ki ha ki National Party.

“Nga da yoo O wa teiñ teiñ i chah pyntlot i hawa em i wa ki National Party, nga klam O na mynsien yong nga ymtoh deiwa tharai næ mutdur”, da ong u Mukul hawa yaklam wa kiwa thoh khubor.

Da ong u wa man iwa eh bha ya kiwa chna aiñ ha Delhi wow sñiawthooh yei sñiaw ki paidbah yong ka jylla kawa boon ki jaitbru. “Man sakhiat i iwa jynjar ya i hawa em ha ka seiñ kawa heh na ka jylla wa khian kam ka Meghalaya, ymtoh iwa suk wow pynngait wei pynsñiawthooh yei eh ki bru ha kiwa yahkhmat ha Delhi neibhah wym sñiawthooh ki yei eh yong ki tre chnong ka jylla. Ini toh i sñiawthooh i yong nga yeiwa chem O ha ki phaw snem kam uwa yahkhmat paidbah”, da ong u Dr. Mukul.

Da ong u leh wa man u kam u Montri Rangbah warim wei ini i klam yong oo ymtoh wow beiñ ya kawon kawon seiñ saiñpyrthai næ ya kiwa yahkhmat ki seiñ saiñpyrthai, tangwa da klam u yeiwa da maad da chem u.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da e nongmuna u leh wa heipor wa pynkylla ya ka riti synchaar yong ka ri India ha u snem 1950, da em i yaklam kawa jrong wei kawa sani da kiwa boon kiwa embynta, heiwa da pynkylla ka leh khlem da tip yong ki bru kiwa chah ktah.

Kam wow kdaw heini wa u Dr. Mukul da kyntait u boonsien ya ki khubor hajrong i thmu wow lai psiah biang cha ka seiñ Congress kawa man ka National Party, hadien wa da mih noh u na ka hachwa ka Election MLA 2023.

Da ong u wa ki paidbah da mutdur ki cheiwon u lai u Dr. Mukul hadien wa da mih noh u na ka Congress, tangwa da pynrap u wa ka thong yong oo toh wow em wa ki paidbah wei kam uwa mihkhmat paidbah daw hap u wow pyrkhat ya iwa sñiaw u hachwa wow lai chakhmat.

U Dr. Mukul uwa man u MLA wa rim tam ha kani ka yung dorbar chna aiñ yong ka jylla wa katni, heiwa da jop nyngkong u ha u snem 1993 kam u MLA samen hachwa wow lai psiah u cha ka Congress. Da man u leh kam u Montri Rangbah ka jylla nadooh u snem 2010 hadooh u snem 2018.