Kawi ka manbei kawa na Unnao da thang ko pyn yaka hi ynne i step ha lait i yung u Montri Rangbah ka Uttar Pradesh ha Lucknow.
Da ong wa kani ka manbei mar ya mih ko na yung u Yogi Adityanath hadien ka Janata Darbar (People’s Court), da thang ko pyn yaka hi da i Petrol hajan ka 19 BD Intersection ha Vikramaditya Marg iwa dang haap ha Gautampalli Police Station.
Neiliang ki pulit kiwa em heini da tymplæh ki yei diñ deiwa pynemkaam da ka kymmor wei da kit wot ya ka cha thaw sumaar heiwa da mynsoo joor ko.
Ki pulit da ong ki wa kani ka manbei toh ka Anjani Jatav heiwa da chem chitom ko na ki kaam yong yung wei da lai ko cha kani ka Janata Darbar u Montri Rangbah yow pynbait yeini tangwa khlem mih soh mih sla iwa da pynbor ya ka wow chim ko ya kani ka luti.
Da ong wa kani ka manbei da iñ ko 80% wei da wan ko cha Lucknow chirup wa i khon ko.
Discussion about this post