Thang ka wi ka kynthai pyn da ka ya ka hi hadien wa chah slaitbor ko arsien

Shillong: Katkam ka khubor wa yoh na ki pulit da ong wa uwi u payu da ujor FIR u wa ka diah yong oo wa chnong wa sah ha ka chnong Lad Nongbasa, West Khasi Hills da pyrchang ko wow chim yei mynsien yong ka deiwa thang pyn da ka ya ka hi.

Ini da leh ko hadien wa chah slaitbor ko arsien ha ka 8 wa ka 25 tarik uni u bnai ha u wi u bru wa tip kam u Shoberwel Wanniang na ka chnong Mawieit wa em ha jan ka Lad Nongbasa.

Hadooh wa pynmih ya ka khubor ki pulit dang thooh ki ya uni u bru wa chah kynnoh wa slait bor ya kani ka kynthai.

Ya ka FIR da booh wa ki pulit ka Nongstoin Police Station ha ka 26 tarik.