I kynaad hapyrdi ki Karbi wa ki Pnar dang joor i ha chnong Lapangap, West Jaiñtia Hills wei ini da neh i hadooh ynne ka sngi wot hapyrdi i em ki pulit ka Assam wa Meghalaya.
Ynnin i janmiet wot hapyrdi i em ki pulit na ki ar jylla, ki Karbi da hiar ki wow thang ya ar tylli ki trep ha i thaw wa tip kam i Ladaw hajan Pynthor Umchyrngan.
Ynne i step won heipor kamwa 4:00 waje ki Karbi da thang ki sa ya iwi i trep iwa em pyn harood ka chnong.
Neiliang u Waheh Chnong ka Lapangap, u Deimonmi Lyngdoh da pyntip u wa ki trep wa chah thang ha Ladaw toh ki yong ka Pishianti Shylla wa ka Peacefull Bhoi katwa i trep wa da chah thang hajan ka chnong toh i yong ka Shaniahlang Pyrpet.
Kam wow pynkynmoo wa ini i kynaad da sdang i nadooh ka 10 tarik u bani wa dep wei da neh i kattu da jan dap chi bnai.
Discussion about this post