Hadien wa da yoh hukum naka High Court ka Meghalaya wow thang noh ya ki drugs wa da yoh kem kiwa da pyndep bichaar ya ki mukotduma, neiliang ki pulit ka Meghalaya da lai thang ki ya ki drugs ha i diñ toskhana ka karkhana Star Cement wa em ha Lumshnong, East Jaiñtia Hills ynne ka sngi.
Kini ki mukotduma wa da pyndep bichaar da em ki 51 tylli heiwa na East Khasi Hills toh 10 tylli, na Ri-Bhoi 2 tylli, na West Khasi Hills 14 tylli wa 25 tylli na West Jaiñtia Hills.
I drugs wa chah thang chongdor i kamwa Rs. 4 klur tam wa kynthup i yei Heroin wa chongdor Rs. 3 klur, u bhang wa chongdor Rs. 80 lak wa 30 lak i drug Yaba.
Ya ini da leh hapoh i pynlai DIGP Eastern Range Meghalaya wei daw pteiñ biang yei thang drugs ha kini ki por wow wan kat dang yoh bor na ka yung bichaar.
Da wan wow sakhi yeini da u DGP ka jylla, u Dr. LR Bishnoi wa kiwi de ki heh pulit.
Discussion about this post